Vinteren 2019 vart Rakel Sivertsen frå Hommelvik diagnostisert med brystkreft med spreiing til lymfene. Etter ein beinhard kamp, vart ho i 2021 frisk, men på seinhausten 2022 skjedde det utenkelege: Kreften var på full retur, og denne gongen uhelbredeleg.
I førestillinga «Sykehusskjorta» brukar Rakel sine eigne opplevingar og erfaringar til å fortelja korleis det er å stå midt i ei livskrise – midt i livet – med en solid dose humor.
Kan ein le seg inn i ein kreftdiagnose? Kan ein le seg ut av den igjen? Er det i det heile tatt lov å le av noko så alvorleg? Kva treng ein frå omverda når ein ikkje fiksar sin eigen kvardag? Kva kan ein gjera for nokon som står i en livskrise? Kan smerter, dårlege odds og mørke stunder bekjempast med humor?
Denne førestillinga er ei reise gjennom heile følelseregistret, og Rakel si unike evne til å formidla gjer at du i det eine sekundet tørkar tårer, og i det neste potensielt ler på deg eit ribbeinsbrot.
Med seg på scena har Rakel musikeren Charlotte Audestad som syng og spelar gitar, og som har komponert all musikken.
Varmt velkommen!
Språk