GABRIELS NOVGOROD
Endeleg i Kapellankåken! Gabriel Fliflet og hans spektakulære og bejubla band Gabriels Novgorod.
Midt i mørketida kjem fire høgreiste karar frå Bergen for å tina opp vossingane, med innleving, temperament og kraftfull, firstemd song. Gabriels Novgorod gjev oss hardtsvingande finsk humppa og jiddisk tango, lengtande, russiske valsar og nordsvensk bygdeswing. Plutseleg kosakkdans! Kort sagt: Etnisk populærmusikk frå Østersjøområdet frå 1930-, 40-, 50- og -60-talet!
Ev. ledige plassar blir selde i døra, dersom førehandssalet er utseldt.
Gabriel Fliflet (trekkspel, song), David Chelsom Vogt (fele, song), Kristoffer Chelsom Vogt (kontrabass, song), Jørgen Sandvik (gitar, song).
Gabriels Novgorod har m.a. opptrådd på Oslo World, Festspela i Bergen og Førdefestivalen.