Hurra! Brit Aknes (gitar og vokal) og Kjersti Døssland (Yamaha-synth og vokal) kjem til Kapellankåken.
Under mottoet ”ingen forventningar” innfrir dei gong på gong med sin blanding av tostemt song og masing i stereo. Og dei skriv dette i sin offisielle arrangementsomtale for kapellankåken:
Aldri vore på bingokonsert med Microbandet? Skandale! Godt at Kapellankåken tek affære og opnar dørane for deg og for hyggeduoen frå Hardanger! Me har i fleire år hygga mange og ikkje minst oss sjølve med bingo krydra med radbrekking/forbetring av andre sine låtar.
Og alle stiller likt. Vassendgutane og Britney Spears får same generøse behandling av Microbandet. Døsso har finjustert stemma si til bingovertinne-perfeksjon etter å ha tilbrakt mykje av studietida i Bergen på etablerte bingobuler, og no kan DU få oppleva den same gleda i Voss si kulaste bule, sjølvaste Kapellankåken. Me stiller med bongar og pennar, du stiller med positiv innstilling!
Velkomen!
Språk